Beynəlxalq Qızıl Xaç Komitəsinin Əməkdaşlıq üzrə məsul işçisi
Sevil Süleymanovanın müşaiyəti ilə Fransadan gələn nəticələrin təhlili
məşğələsi üzrə konsultant Mark Şeperd AzQAC Sumqayıt şəhər bölməsinin
qonağı olub.
Görüşün məqsədi Nəticələrin təhlili məşğələsi üzrə Sumqayıt şəhər
bölməsi ilə görüşmək və müzakirələr aparmaq idi. Nəticələrin təhlili məşğələsi
BQXK və IFRC-nın 2020-2024-cü illərdə birgə dəstək olduğu Milli Cəmiyyətlərin
İnkişafı proqramını nəzərdən keçirtmək, görülən işlərin təhlilini aparmaqdan
ibarət olub.
AzQAC Sumqayıt Regional Mərkəzinin koordinatoru Mətanət Məhərrəmova
ötən 4 il ərzində Sumqayıt şəhər bölməsinin inkişaf yönümlü fəaliyyəti barədə
foto- slayd əsasında geniş izahlı çıxış edərək, qonağı maraqlandıran sualları
cavablandırıb.
Bölmə sədri Şəhriyar Əliyev və bölmə könüllüləri də Mark Şeperdin
suallarına dolğun və müfəssəl cavablar veriblər. Görüş qonaqların xoş
təəssüratları ilə xatirə şəkli çəkilməklə başa çatıb.
