AzQAC Sumqayıt Regional Mərkəzi tərəfindən 1 İyun – "Uşaqların Müdafiəsi Günü" qeyd olunub

1 İyun – Uşaqların Müdafiəsi Günü ərəfəsində Azərbaycan Qızıl Aypara Cəmiyyəti Sumqayıt Regional Mərkəzinin təşkilatçılığı ilə Sumqayıt Tibb Mərkəzinin (STM) tabeliyində fəaliyyət göstərən 3 nömrəli Ailə Sağlamlıq Mərkəzində hamilə və yeni ana olan qadınlar üçün Qızıl Aypara Cəmiyyətinin "Sevgi boxçası" layihəsinin davamı olaraq, maarifləndirici tədbir təşkil olunub. Tədbirdə STM-nin direktor müavini, İlkin səhiyyə xidmətinin rəhbəri Namirə Abbasova, Azərbaycan Qızıl Aypara Cəmiyyətinin icraçı katibinin müavini Xalidə İsgəndərova, Azərbaycan Qızıl Aypara Cəmiyyətinin Sumqayıt Regional Mərkəzin koordinatoru Mətanət Məhərrəmova, Azərbaycan Qızıl Aypara Cəmiyyətinin sağlamlıq üzrə mütəxəssisi Mətanət Qaraxanova, 3 nömrəli Ailə Sağlamlıq Mərkəzinin baş həkimi Sevinc Əkbərova və hamilə qadınlar iştirak ediblər. Erkən bəsləyici qayğının komponentləri haqqında iştirakçılara ətraflı məlumat verilib, təşkil olunan tədbirin faydalı olması diqqətə çatdırılıb. Azərbaycan Qızıl Aypara Cəmiyyətinin sağlamlıq üzrə mütəxəssisi Mətanət Qaraxanova adekvat qidalanma, bəsləyici qayğı, erkən öyrənmə imkanları, universal-progressiv model, uşaqların təhlükəsizliyi barəsində danışıb. Digər çıxış edənlər də ana və uşaq sağlamlığının mühüm əhəmiyyət kəsb etdiyini vurğulayıblar. Sonda hamilə qadınlara "Sevgi boğçası" təqdim olunub. Qeyd edək ki, bu, hədiyyələr doğuşdan sonra xanımlara və yeni doğulacaq körpələrə lazım olan ləvazimatlardan ibarət bir boğçadır.