2025-ci il iyunun 2-də Azərbaycan Qızıl Aypara Cəmiyyətinin
Lənkəran Regional Mərkəzi və Masallı Rayon Bölməsi tərəfindən 1 İyun – “Uşaqların
Beynəlxalq Müdafiəsi Günü” münasibətilə tədbir həyata keçirilib.
Aksiyanın məqsədi, analara və yeni doğulmuş körpələrə mənəvi dəstək
vermək, onlara diqqət və qayğı göstərmək olub. Bu məqsədlə könüllülər Masallı
Rayon Mərkəzi Xəstəxanasının uşaq şöbəsində müalicə alan və doğuş edən analarla
görüş keçirib, onlara xüsusi hədiyyə bağlamaları təqdim edib.
Tədbir zamanı analara körpə baxımı, ana sağlamlığı və sosial dəstək
mövzularında maarifləndirici söhbətlər aparılıb. Hədiyyə bağlamaları gigiyenik
vasitələr, körpə geyimləri və digər faydalı əşyalardan ibarət olub.
