Daşkəsən Rayonunda AzQAC-ın İcmaya əsaslanan sağlamlıq fəaliyyətləri üzrə görüş keçirildi

AzQAC Sağlamlıq və qayğı şöbəsi ölkənin şəhər və rayonlarında yerli bölmələrinin işçi və könüllüləri vasitəsi ilə geniş icmaya əsaslanan səhiyyə maarifi işinin təşkilini həyata keçirilib. Bununla əlaqədar yerli bölmələrinin işçi heyyəti və könüllülərin ÜST, BQXQACF və yerli səhiyyə üzrə yeni  strategiyalar, yeni yanaşmalara dair məlumatlandırması vacib hesab olunur. Belə ki, avqust yının 17-də AzQAC Miqrasiya şöbəsinin əməkdaşı, azərbaycan dili kursun müəllimi Sona Hacıyeva və Sağlamlıq proqramının məsləhətçisi M.Qaraxanovanın iştirakı ilə Daşkəsən Rayon Bölməsinin işçi və könüllüləri ilə icmaya əsaslanan səhiyyə fəaliyyətləri üzrə görüş keçirilib. Görüşün məqsədi Daşkəsən rayon Bölməsinin icmaya əsaslanan tibbi-sosial sahəsində aparılan fəaliyyətlərinin giymətləndirilməsi, ehtiyac duyulan sahələrin gələcəkdə genişlənməsi və bu sahədə yerli müəssisələrlə əmakdaşlığın gücləndirilməsi və nəzərdə tutulan tədbirlərin tədbiqi barədə məlumatların müzakirə oluması idi. Mətanət Qaraxanova tərəfindən BQXQACF, Ümumdünya Səhiyyə Təşkilatının İcmaya əsaslanan sağlamlıq sahəsinə (İlk Yardım, Tibb bacılarının fəaliyyəti, Fövqəladə Hallara icmaların hazırlığı, Peyvəndləndirilmə, Vərəm, İİV, Hepatitlərlə mübarizə, İlk Psixoloji Yardım və s.) ilə əlaqədar yeni yanaşmaların tədbiqi barədə geniş məlumatlar təqdim edilib. Tədbir iştirakçılarına BQXQACF İlk Yardımın 2023-2030 illər üçün strateji tədbiqi barədə xüsusi olaraq, geniş məlumatlar çatdırılıb. Çıxışda dövlətə yardımçı rolunu göstərən AzQAC icmaların sağlamlığın qorunmasına dair geniş maarifləndirilmə sahəsində fəaliyyət istiqamətləri vurğulanıb. Bununla yanaşı, iştirakçılara ölkədə İcbari Tibbi Sığorta ilə bağlı fəaliyyətlər və QHT-ın əhali arasında bu sahədə maarifləndirilməsində rolu, xidmət paketi və ona daxil olan tibbi müayinələrlə bağlı məlumatlar xüsusi qeyd edilib. Sona Hacıyeva tərəfindən isə dünyada qlobal problem olan miqrasiya ilə bağlı  məlumatlar səsləndirilib. AzQAC-ın Azərbaycanda məskunlaşan miqrantların ehtiyacları və onlara göstərilən xidmətlərə dair həyata keçirilən fəaliyyətlərin önəmli məqamları vurğulanıb.  Sonda görüş iştirakçıları gələcəkdə Daşkəsən rayonunda da geniş layihələrin (İlk Yardım, Vərəmlə mübarizə və s.) həyata keçirilməsi arzularını bildiriblər.