Sumqayıt şəhər sağlamlıq imkanları məhdud uşaqlar üçün xüsusi məktəbdə “Gigiyena və şəxsi təmizlik” mövzusunda seminar keçirilib

Sumqayıt şəhər sağlamlıq imkanları məhdud uşaqlar üçün xüsusi məktəbdə “Gigiyena və şəxsi təmizlik” mövzusunda şagirdlərlə görüş keçirilib. Görüşdə Türk Kızılayın Azərbaycandakı nümayəndəsi Hüseyn Çitak, Azərbaycan Qızıl Aypara Cəmiyyətinin Gənclər və Könüllülər şöbəsinin müdiri - İcraçı katibin müavini Xalidə İsgəndərova ,Elşən Səlimzadə və AzQAC Sumqayıt şəhər bölməsinin sədri Mətanət Məhərrəmova iştirak edib. Tədbiri giriş sözü ilə bölmənin sədri Mətanət Məhərrəmova açaraq dinləyiciləri və qonaqları salamlayıb, seminar haqqında məlumat verib. Daha sonra söz öncədən mövzular üzrə təlim almış AzQAC Sumqayıt şəhər bölməsinin Fövqəladə Mobil Könüllü Dəstənin üzvləri şəxsi gigiyena ,dəri və ağız , düzgün əl yuma qaydası haqqında məlumat verilib ,praktiki nümayiş edilib. Seminarın sonunda şagirdlərə gigiyenik ləvazimatlar paylanılıb.