AzQAC-ın baş ofisində Sevilya 2.0 Razılaşması və Hərəkatdaxili əməkdaşlığa dair seminar keçirlib

12 oktaybr 2023-cü il tarixində Azərbaycan Qızıl Aypara Cəmiyyətinin prezidenti, Milli Məclisin deputatı Novruz Aslanov Beynəlxalq Qızıl Xaç Komitəsinin (BQXK) Azərbaycandakı nümayəndəliyinin başçısı xanım Dragana Koiç, Beynəlxalq Qızıl Xaç Komitəsinin Avropa və Mərkəzi Asiya  Regionunda Hərakət Məsələləri üzrə Regional rəhbərin müavini Kreyq Stratern və  Beynəlxalq Qızıl Xaç və Qızıl Aypara Cəmiyyəti Federasiyasının Cənubi Qafqaz ölkələri üzrə nümayəndəliyinin rəhbəri Davron Muhammadiyev arasında görüş keçirilib.

Görüşü giriş sözü ilə açan Novruz Aslanov qonaqları AzQAC-ın kollektivi, çoxsaylı  könüllüləri və üzvləri adından salamlayıb. Görüşün əsas məqsədi Azərbaycanda Hərəkatdaxili koordinasiya və əməkdaşlıqla bağlı gələcək tədbirlərin müəyyən edilməsi haqqında müzakirələr apararaq, keçmişdə baş vermiş fövqəladə hallarda tətbiq edilmiş təcrübə əsasında rolların təfsiri və Hərəkatdaxili Fövqəladə Hallara Hazırlıq Planının işlənib hazırlanması prosesi barədə  məlumatlandırmaq olub.

Seminarda, Sevilya 2.0 Razılaşmasının icrası ilə bağlı mümkün gələcək tədbirlər, koordinator / həmkoordinator rollarının aktivləşdirildiyi vəziyyətləri, əməkdaşlıq məqamlarını özündə ehtiva edən Hərəkatın qüvvədə olan Koordinasiya kimi məsələlərə diqqət ayrılıb. Seminarda həmçinin  Hərəkatdaxili Fövqəladə hallara hazırlıq planının layihə mətnini strateji cəhətdən nəzərdən keçirmək, sözügedən layihə mətninin yekunlaşdırılması üzərində işləmək və humanitar ehtiyacların yenidən artacağı hallarda Hərəkatdaxili fəaliyyətlərin tənzimlənməsi fəaliyyətlərinin müzakirəsi seminarın əsas məqsədlərindən olub.

Kreyq Stratern gündəlikdə olan məsələlər haqında danışaraq, hərəkat üzrə Koordinasiya və Sevilya 2.0 razılaşmasına baxışı haqqında, Sevilya 2.0 razılaşması və onun vacibliyi, müzakirələr və razılaşmanın yazılması zamanı müəyyənləşdirilən əsas çətinlikləridən danışıb  və iştirakçılara tədbir üçün ümumi tövsiyələr verib.

Davron Muhammadiyev öz növbəsində, Hərəkat üzrə Koordinasiya mexanizmlərini vurğulayıb. Həmçinin sessiyanın əsas məqamları olan, Sevilya 2.0 razılaşmasının uğurla həyata keçirilməsinin bu mexanizm və platformalardan asılı olduğunu nəzərə alaraq, Hərəkat üzrə həm nəzəri, həm də praktiki Koordinasiya Mexanizmlərini daha da gücləndirmək (Sevilya 2.0 razılaşmasının 5.2-ci bəndi). Həm Hərəkat üzrə Əməkdaşlıq və Koordinasiyanı yaxşılaşdırmaq, həm də Hərəkat üzvlərinin rol və vəzifələrini (koordinator / həmkoordinator) aydınlaşdırmaq olub.

 

Daha sonra görüşdə AzQAC-ın icraçı katibi Ceyhun Mirzəyev və İcraçı katibin müavini Elşən Səlimzadə çıxış edərək, AzQAC əməkdaşlarının iştirakı barədə məlumat veriblər. Daha sonra görüşdə üç təşkilat arasında görülən ümumi işlər, qarşılıqlı əməkdaşlıq çərçivəsində həyata keçirilən layihələr barədə danışıqlar aparalıb. Onlar  öz çıxışında AzQAC-ın yerli bölmələri tərəfindən həyata keçirilmiş fəaliyyətlərdən, beynəlxalq sahədə həyata keçirilən əməkdaşlıq və nailiyyətlərdən söhbət açıblar. Eyni zamanda, Ceyhun Mirzəyev və Elşən Səlimzadə Hərəkat üzrə Fövqəladə halların planlaşdırılması üzrə, həmçinin Hərəkatın təsirini genişləndirmək üçün istifadə oluna biləcək nümunələri müəyyənləşdirmək və  Hərəkatın Qarabağda zərərçəkmiş şəxslərin ehtiyaclarına birgə və dayanıqlı yardım göstərməsi haqqında danışıblar.

Görüşdə, iştirakçılar öz təklifləri və fikirləri haqqında bölüşüb,onları maraqlandıran sualları isə cavablandırılıb.

Görüşün sonunda Milli Cəmiyyətin prezidenti Novruz Aslanov, bütün əməkdaşlara və qonaqlara təşəkkürünü bildirib.