AzQAC Sumqayıt şəhər bölməsinin FMKD üzvlərinin aylıq görüşü keçirilib

Fövqəladə Mobil Könüllü Dəstənin aylıq görüşü 25 noyabr 2023-cü il tarixində bölmə ofisində keçirilib. Görüşdə Azərbaycan Qızıl Aypara Cəmiyyətinin Gənclər və Könüllülər şöbəsinin müdiri - İcraçı katibin müavini Xalidə İsgəndərova iştirak edib. AzQAC Sumqayıt şəhər bölməsinin sədri Mətanət Məhərrəmova könüllüləri salamlayaraq görüşün məqsədi barədə məlumat verib.

Ay ərzində keçirilən tədbirlər barəsində ətraflı danışaraq, növbəti ildən  BQXK-nin  büdcə azlığı səbəbindən Sumqayıt  Fövqəladə Mobil Könüllü Dəstəsi üçün nəzərdə  tutduğu seminarlar və aylıq görüşlərə göstərdiyi maliyyə dəstəyinin dayandırıldığını vurğulayıb. Lakin bu fəaliyyətin həyata keçməsi üçün yeni xeyriyyəçilərlə danışıqlar aparıldığını bildirib .Könüllüləri ümidvar  edib ki, 2024 –cü ildən təhsil ocaqlarında və müəyyən təşkilatlarda yenidən bu fəaliyyət öz əksini tapacaqdır.

Daha sonra Xalidə İsgəndərova qarşıdan gələn könüllülər günü ilə bağlı ətraflı danışaraq öz fikirlərini bildirib və könüllüləri maraqlandıran suallar cavablandırılıb.