AzQAC Sumqayıt şəhər bölməsinin təşkilatcılığı ilə şəhid və qazi ailələrinə Yeni il bayram tədbiri keçirilib

Azərbaycan Qızıl Aypara Cəmiyyəti Sumqayıt şəhər bölməsinin təşkilatçılığı və SOCAR Polymer MMC-nin maliyyə dəstəyi ilə Dünya Azərbaycanlılarının Həmrəyliyi Günü və 2024-cü ilin qarşılanması münasibətilə Şəhid və qazi ailələrinin,həmcinin hər iki valideynini itirmiş və sağlamlıq imkanları məhdud olan uşaqlara bayram şənliyi təşkil olunub. Tədbirdə Sumqayıt şəhər İcra Hakimiyyətinin nümayəndəsi Tərlan Hacıyev, Milli Məclisin deputat köməkçiləri Elçin Kərimov, Cavid Quliyev, AzQAC-nin məsul əməkdaşı Elşən Səlimzadə, Renat Vəliyev, SOCAR Polymer MMC-nin əməkdaşı İlahə Hacıyeva, Şəfiqə Quliyeva və digər əməkdaşlar tədbirdə iştirak ediblər. Tədbir şəhidləri bir dəqiqəlik sükutla yad etməklə başlanılıb. AzQAC Sumqayıt şəhər bölməsinin sədri Mətanət Məhərrəmova tədbiri qonaqları salamlayaraq açıb və  bu tədbirin mahiyyəti barədə danışıb. Daha sonra Sumqayıt şəhər İcra Hakimiyyətinin nümayəndəsi Tərlan Hacızadə şəhər rəhbərliyinin salamlarını çatdıraraq şəhid və qazi ailələrinin hər zaman xüsusi diqqətdə olmasından danışıb. Aparıcı Hüseyin Səlimov maraqlı viktorinalar kecirdərək, qalibləri hədiyyələrlə mükafatlandırıb. Şaxta baba və nağıl qəhramanlarının çıxışları, müxtəlif oyunlar uşaqların sevincinə səbəb olub.
Tədbirin sonunda öncədən hazırlanmış bayram hədiyyələri uşaqlara təqdim edilib. Valideynlər də öz növbələrində tədbirin təşkilatcılarına minnətdarlıqlarını bildiriblər və SOCAR Polymerin əməkdaşı İlahə Hacıyevaya AzQAC Sumqayıt şəhər bölməsi tərəfindən hazırlanmış Təşəkkürnamə təqdim olunub. Ümumilikdə  tədbirdə 100 nəfər şəhid, qazi və  fiziki imkanları məhdud uşaqlar iştirak edib.