10 yanvar 2024-cü il tarixində Azərbaycan Qızıl
Aypara Cəmiyyətinin prezidenti, Milli Məclisin deputatı Novruz Aslanov Azərbaycan
Qızıl Aypara Cəmiyyətinin Baş Məclisinin üzvü, nasir, şair-publisist, ictimai
xadim, əməkdar incəsənət xadimi “Şöhrət” ordenli Baba Vəziroğlunun anadan olmasının 70 illik
yubileyi münasibətilə “Azərbaycan Qızıl Aypara Cəmiyyətinin 100 İllik Yubiley
medalı” ilə təltif edib. Tədbirdə N.Aslanov Baba Vəziroğlunun keçdiyi şərəfli həyat
və yaradıcılıq yolundan bəhs edib. Daha sonra Cəmiyyətin Vitse-prezidentləri
Q.Əsgərzadə və R.Əliyev yubilyarı təbrik edərək, onunla bağlı öz fikirlərini
söyləyiblər.
Sonda Baba Vəziroğlu təbrik və təltifə görə rəhbərliyə
və kollektiv üzvlərinə minnətdarlığını bildirib.
