AzQAC-ın prezidenti cənab Novruz Aslanov BQXK-nın Azərbaycandakı nümayəndəliyinin başçısını qəbul edib

Əsas səhifə / XƏBƏRLƏR / AzQAC-ın prezidenti cənab Novruz Aslanov BQXK-nın Azərbaycandakı nümayəndəliyinin başçısını qəbul edib
Mr. Novruz Aslanov, President of Azerbaijan Red Crescent Society, receives the head of the International Committee of the Red Cross Office in Azerbaijan

16 yanvar 2024-cü il tarixində AzQAC-ın baş ofisində Azərbaycan Qızıl Aypara Cəmiyyəti və Beynəlxalq Qızıl Xaç Komitəsi arasında iki tərəfli görüş keçirilib.
Görüşdə AzQAC-ın prezidenti cənab Novruz Aslanov, İcraçı katib Ceyhun Mirzəyev, BQXK Azərbaycandakı nümayəndəliyinin başçısı xanım Dragana Koiç, BQXK Əməkdaşlıq şöbəsindən  Agueda Aguilar Garcia Rəvanə Həsənli iştirak edib.
Görüşü giriş sözü ilə açan Novruz Aslanov qonaqları AzQAC-ın kollektivi, çoxsaylı  könüllüləri və üzvləri adından salamlayıb. Ənənəvi olan görüşün əsas məqsədi iki təşkilat arasında əməkdaşlıq çərçivəsində aparılan işlərin və gələcəkdə planlaşdırılan fəaliyyətlərin müzakirəsi olub.
BQXK-ın Azərbaycandakı nümayəndəliyinin başçısı xanım Dragana Koiç isə öz növbəsində iki təşkilat arasında mövcud olan səmərəli əməkdaşlıqdan, birgə fəaliyyətlər haqqında danışıb. O, birgə həyata keçirilən fəaliyyətlərdən və layihələrdən danışaraq qarşılıqlı işgüzar münasibətlərin yüksək səviyyədə olduğunu xüsusi qeyd edib.