11
Mart 2024-cü il 7 rayon bölməsi- Ağdam, Bərdə, Cəbrayıl, Füzuli,
Qazax, Tərtər və Tovuz ilk dəfə rayon və kəndlərdə yerləşən bağçalarda
İlk Yardım sessiyası həyata keçiriblər. Ağdam rayon bölməsinin Quzanlı
qəsəbə 2 körpələr evi - uşaq bağçasında 12 nəfər, Bərdə rayon bölməsinin
Həsənqaya körpələr evində 19 nəfər,
Cəbrayıl rayon
bölməsinin Cocuq Mərcanlı uşaq bağçasında 14 nəfər, Füzuli
rayon bölməsinin Əhmədbəyli körpələr evi uşaq bağçasında 17 nəfər, Qazax rayon bölməsinin Xanlıqlar kənd körpələr evində 15 nəfər,
Tərtər rayon bölməsinin Seydimli kənd,Şəhid Əli Vəliyev
adına körpələr evi uşaq bağçasında 15 nəfər, Tovuz rayon bölməsinin 6 saylı uşaq bağçasında 17
nəfər iştirak ediblər.
Azərbaycan Qızıl Aypara Cəmiyyətinin (AzQAC)
104 ili münasibəti ilə yeni layihənin məhz doğum günümüzdə başlanması
da təsadüfi deyil. Sessiyanın əsas məqsədi bağçalarda İlk Yardım məlumatlılığını
artırmaqla həm gündəlik vəziyyətlərdə, həm də fövqəladə hallarda, uşaqların təhlükəsizliyi
naminə ilk yardım bacarıqlarını artırmaqdan ibarət olub. Könüllülərimiz sessiya
boyu müxtəlif praktiki və nəzəri məşğələlər nümayiş etdiriblər. Əsas
mövzular İlk yardım və şəxsi təhlükəsizliyin təmin olunması, huşu özündə
olmayan, nəfəs alan zərərçəkmiş insanlarda bərpa vəziyyəti, tənəffüs yollarının
tutulması, böyüklərdə və uşaqlarda boğulma, qanaxma və yaralar, qıcolma mövzularından danışılıb.
Sessiya hər bir rayon bölməsinin 2
könüllüsü tərəfindən həyata keçirilməklə, 4 saat müddətində davam
edib.
