20 may 2024-cü il tarixində Azərbaycan Qızıl Aypara Cəmiyyətinin təşkilatcılığı və Türk Kızılayının maliyyə dəstəyi ilə Lənkəran rayonunda yerləşən Xüsusi tipli internat məktəbində kitabxana təşkil edilmişdir. Kitabxananın açılışı zamanı Türkiyənin Azərbaycandakı fövqəladə və səlahiyyətli səfiri Cahit Bağçı, səfirliyin əməkdaşları, türk iş adamları, AzQAC-ın İcraçı Katibinin müavini, Gənclər və Könüllülər şöbəsinin müdiri Xalidə İsgəndərova, AzQAC-ın Lənkəran Regional Mərkəzinin koordinatoru Zəfər Miriyev, AzQAC-ın Lənkəran rayon bölməsinin sədri Elvin Səmədov, Türk Kızılayının Qafqaz regionu üzrə nümayəndəliyinin rəhbəri Hüseyin Çıtak, AzQAC-ın könüllüləri, rayon rəhbərliyi iştirak etmişdilər.
Tədbir iştirakçıları
ilk öncə məktəbdə uşaqların əl işlərindən ibarət sərgi ilə tanış olub, daha
sonra kitabxananın açılışı təşkil edilmişdir. Tədbir zamanı Türkiyənin Azərbaycandakı fövqəladə
və səlahiyyətli səfiri Cahit
Bağçı və məktəbin direktoru çıxış etmişlər. Tədbirin davamında uşaqlar tərəfindən
hazırlanmış bədii hissə təşkil olundunmuşdur. Kitabxanaya 1500-dən çox kitab,
stol, stul, divan, uşaqlar üçün idman ləvazimatları və geyimlər hədiyyə edilmişdir.
Tədbirin davamında 2
nömrəli ailə tipli kiçik qrup evinə baş çəkilmiş və onlara kitablar, geyimlər və
oyuncaqlar hədiyyə edilmişdir.
Azərbaycan Qızıl
Aypara Cəmiyyəti olaraq tədbirin təşkil olunmasında əməyi olan bütün
iştirakçılara təşəkkürümüzü bildiririk.
