15-16 may 2024-cü ildə, Avropa İttifaqı (EU) tərəfindən maliyyələşdirilən “Azərbaycanda icmanın ehtiyacları və yerli imkanlarla vətəndaş cəmiyyəti təşkilatlarının potensialları arasındakı boşluğun aradan qaldırılması” layihəsi çərçivənsində Azərbaycan Qızıl Aypara Cəmiyyəti (AzQAC) Beynəlxalq Qızıl Xaç və Qızıl Aypara Cəmiyyətləri Federasiyası (IFRC) ilə birlikdə AzQAC-ın Göyçay rayon bölməsində “Yerli strukturların təşkilati bacarıqlarının və imkanlarının təhlili (BOCA)” adlı təlim proqramı həyata keçirib.
Bu tədbir BOCA alətlərinin AzQAC bölmələrinin
inkişaf fəaliyyətlərinə inteqrasiya edilməsi istiqamətində beşinci seminar
olub.
Seminar AzQAC-ın BOCA üzrə fasilitatorları Elçin
Hüseynli, Elnarə Cəfərova və Rahid Məmmədov tərəfindən həyata keçirilib.
Seminar zamanı Göyçay rayon bölməsinin əməkdaşları və könüllüləri üçün qurumun
bacarıqlarının dəyərləndirilməsi, inkişafı üçün ehtiyac duyulan önəmli
addımların təyin edilməsi və müvafiq planın işlənib, hazırlanması kimi mövzular
ələ alınıb. Pilot BOCA seminarlarının nəticəsi AzQAC tərəfindən analiz edilir,
bu yeniliyi bütün ölkə üzrə mövcud olan AzQAC bölmələrində tətbiqi nəzərdə
tutulur.
