Qızıl Aypara Cəmiyyətinin fəaliyyətinin əsas sütununu könüllülər
təşkil edir. Onların göstərdiyi fədakarlıq və sədaqət, cəmiyyətin missiyasının
həyata keçirilməsində mühüm rol oynayır. Könüllülər, təbii fəlakətlər zamanı
yardımların çatdırılmasından, sağlamlıq xidmətlərinin göstərilməsinə qədər hər
sahədə əvəzsiz işlər görürlər. Onların səyləri sayəsində, yüzlərlə insanın
həyatı yaxşılaşdırılır və çox sayda insan yardım alır.
Azərbaycan Qızıl Aypara Cəmiyyəti, fədakarcasına çalışan
könüllülərini təqdir etmək üçün xüsusi konsert tədbirinə
dəvət etmişdir.
Tədbir, Heydər Əliyev sarayında 04.06.2024 cü il tarixində yerli
musiqiçilər və sənətçilərin iştirak etdiyi möhtəşəm bir konsert proqramı ilə
başladı. Konsertdə müxtəlif musiqi nömrələri və şoular nümayiş etdirildi,
bu da tədbiri daha da maraqlı və yaddaqalan etdi. Konsert proqramı ilə
yanaşı, təltifetmə mərasimləri də keçirildi.
Bu konsert tədbiri, Qızıl Aypara Cəmiyyətinin könüllülərini və
donorlarını təqdir etmək və onlara minnətdarlığımızı bildirmək üçün mükəmməl
bir fürsət oldu.
Bu cür tədbirlər, cəmiyyətimizin birlik və bərabərliyini
gücləndirir, könüllülərimizin və donorlarımızın əməyini yüksək qiymətləndirir.
Onların səyləri və dəstəyi sayəsində, biz daha çox insana kömək etməyə və daha
böyük layihələr həyata keçirməyə davam edəcəyik.
Könüllülərimizə və donorlarımıza sonsuz təşşəkkürlərimizi
bildiririk. Sizlər bizim ümidimizsiniz və bu ümid sayəsində daha parlaq bir
gələcəyə doğru irəliləyirik.
Bu tədbirin təşkilində Azərbaycan Qızıl Aypara Cəmiyyətinin
prezidenti Novruz Aslanova və əməyi olan əməkdaşlara təşşəkkür edirik.
