02 iyul 2024-cü il tarixində AzQAC Xızı
bölməsinin hesabat-seçki konfransı Baxşılı kənd orta məktəbində baş tutub. Konfransda
Azərbaycan Qızıl Aypara Cəmiyyətinin Vitse-prezidenti Qafar Əsgərzadə, Vitse-prezident-İdarə
rəisi Əziz Qocayev, Sumqayıt Regional Mərkəzinin koordinatoru Mətanət Məhərrəmova
iştirak ediblər. Konfransa bölmə ilə əməkdaşlıq edən ayrı-ayrı müəssisələrinin
və xeyriyyəçi təşkilatların dəvətliləri də qatılıb. Konfrans Dövlət himni ilə
öz işinə başlayıb. Ümummilli Lider Heydər Əliyevin və
torpaqlarımızın ərazi bütövlüyü uğrunda canlarından keçən şəhidlərimizin
xatirəsi bir dəqiqəlik sükutla yad olunub.
Konfransın gündəliyi konfrans iştirakçılarına
çatdırıb. Xızı rayon bölməsinin sədri Rövşən Yusifov 2021-2024-cü illər üzrə
Xızı rayon bölməsinin fəaliyyəti ilə bağlı hesabatı təqdim edib. Bundan sonra
bölmənin maliyyə hesabatı dinlənilib. Hər iki hesabatlar ətrafında çıxışlar
olaraq, üç ildə bölmənin gördüyü işlərə qiymət verilib. Bundan sonra təşkilatı
məsələ, yəni növbəti illər üçün bölmə sədrliyinə növbəti dəfə Yusifov Rövşən
Abbas oğlu, sədr müavinliyinə Ələkbərov Vaqif Vahib oğlu namizəd göstərilərək, səsə qoyularaq seçiliblər.
Nizamnaməyə əsasən, İdarəetmə şurasının tərkibi 9 nəfərdən ibarət nümayəndələr
seçilib. Azərbaycan Qızıl Aypara Cəmiyyətinin XXVII Baş Məclisinə 3 nəfərdən
ibarət nümayəndə seçilməsi yekdilliklə qəbul edilib.
Azərbaycan Qızıl Aypara Cəmiyyətinin Vitse-prezidenti Qafar Əsgərzadə və Əziz
Qocayev çıxışında Xızı rayon bölməsinin qabaqcıl bölmələr sırasında olduğunu,
xüsusi vurğulayaraq, onların işini qiymətləndiriblər və növbəti illərdə görəcəyi
işlərdə uğurlar arzulayıblar.
Konfrans “Aypara” himni ilə öz işini başa
vurub.
Azərbaycan Qızıl Aypara Cəmiyyətinin Vitse-prezidenti Qafar Əsgərzadə və Əziz Qocayev çıxışında Xızı rayon bölməsinin qabaqcıl bölmələr sırasında olduğunu, xüsusi vurğulayaraq, onların işini qiymətləndiriblər və növbəti illərdə görəcəyi işlərdə uğurlar arzulayıblar.
Konfrans “Aypara” himni ilə öz işini başa vurub.
