34-cü Beynəlxalq Qızıl Xaç və Qızıl Aypara Cəmiyyətləri Konfransı davam edir

İsveçrənin Cenevə şəhərində keçirilən 34-cü Beynəlxalq Qızıl Xaç və Qızıl Aypara Cəmiyyətlərinin Konfransı geniş tərkibdə görüşlər və mühüm müzakirələrlə davam edir. Konfransda Azərbaycan Qızıl Aypara Cəmiyyətinin İcraçı katibi Ceyhun Mirzəyev və İcraçı katibin müavini Şaban Şayev ölkəmizi təmsil edirlər.
Konfrans çərçivəsində, Azərbaycan nümayəndə heyəti Beynəlxalq Qızıl Xaç və Qızıl Aypara Federasiyasının baş katibi Cagan Çapagain və Avropa regionunun Beynəlxalq Federasiya rəhbəri Birgitta Bursov ilə mühüm görüş keçirdilər. Bu görüşdə ikitərəfli əməkdaşlıq əlaqələrinin genişləndirilməsi, humanitar sahədə qarşılıqlı dəstək və həmçinin hazırkı beynəlxalq vəziyyət ətrafında müzakirələr aparıldı. Tərəflər, mövcud çətinliklərin aradan qaldırılması və gələcək fəaliyyətlərin effektiv şəkildə həyata keçirilməsi üçün əməkdaşlığın vacibliyini vurğuladılar.