AzQAC Sumqayıt şəhər bölməsinin FMDK üzvlərinin iştirakı ilə Təhsilalanların təhlükəsizliyə kompleks yanaşması mövzusunda tədbir keçirilib

31 oktyabr 2024-cü il tarixində Sumqayıt şəhəri 25 saylı orta məktəbdə "Təhsilalanların təhlükəsizliyə kompleks yanaşması" mövzusunda maarifləndirici tədbir keçirilib. Tədbirdə Fövqəladə Hallar Nazirliyinin Sumqayıt Regional Mərkəzinin, Qida Təhlükəsizliyi Agentliyinin və Azərbaycan Qızıl Aypara Cəmiyyətinin (AzQAC) Sumqayıt şəhər bölməsinin əməkdaşları iştirak ediblər. AzQAC Sumqayıt şəhər bölməsinin Fövqəladə Mobil Könüllü Dəstəsinin üzvləri "İlk Yardım" mövzusunda nəzəri məlumatlar verərək praktiki təlimlər nümayiş etdiriblər. Tədbirin məqsədi təhlükəsizlik biliklərini artırmaq və ilk yardım bacarıqlarını təhsilalanlara çatdırmaq olub.