Beynəlxalq Qızıl Xaç və Qızıl Aypara Hərəkatı üzrə tanışlıq kursu keçirilib

2 noyabr 2024-cü il tarixində AzQAC-ın Bərdə rayon bölməsinə yeni qoşulan könüllülər üçün tanışlıq kursu təşkil olunub. Tədbir könüllülərin Beynəlxalq Qızıl Xaç və Qızıl Aypara Hərəkatı ilə tanış olması və onları AzQAC-ın layiqincə təmsil etməyə hazırlamaq məqsədi daşıyıb. Kursda iştirakçılara Hərəkatın tarixi, fundamental prinsipləri, emblemləri və AzQAC-ın fəaliyyətləri haqqında ətraflı məlumat verilib. Təlim interaktiv şəkildə, yəni müzakirələr və praktiki məşğələlərlə keçirilib. Tədbirdə Bərdə rayon bölməsinin 19 könüllüsü iştirak edib.