COP29 Konfransı çərçivəsində AzQAC-ın əməkdaşları və Qətər Qızıl Aypara Cəmiyyətinin nümayəndələri arasında görüş keçirilib

20 noyabr 2024-cü il tarixində AzQAC əməkdaşları Qətər Qızıl Aypara Cəmiyyətinin pavilyonunda təşkil olunan tədbirdə iştirak ediblər. Tədbir zamanı “İqlim dəyişikliyi ilə mübarizə bizdən başlayır” mövzusunda geniş təqdimatlar edilib və müzakirələr aparılıb. Görüşdə AzQAC-nin Qarabağ Regional Mərkəzinin koordinatoru Afaq Hüseynzadə və İcmaların cəlb olunması və cavabdehlik üzrə əməkdaşı Kamilla Rüstəmova çıxış edərək, seminar mövzusu ilə bağlı fikirlərini bölüşüb və AzQAC-nin bu istiqamətdə həyata keçirdiyi fəaliyyətlər barədə məlumat veriblər. Həmçinin, AzQAC ilə Qətər Qızıl Aypara Cəmiyyəti arasında gələcək əməkdaşlıq imkanları müzakirə edilib. İki təşkilat arasında birgə fəaliyyətin inkişaf etdirilməsi məqsədilə müxtəlif sahələrdə potensial layihələr və təşəbbüslər haqqında fikir mübadiləsi aparılıb. Tədbir beynəlxalq əməkdaşlıq və təcrübə mübadiləsi baxımından əhəmiyyətli bir platforma hesab olunub.