BMT-nin İqlim dəyişiklikləri üzrə çərçivə konvensiyasının tərəflər konfransının 29-cu sessiyası COP29 hazırda davam edir

19 noyabr 2024-cü il tarixində AzQAC nümayəndələri Beynəlxalq Qızıl Xaç və Qızıl Aypara Cəmiyyətləri Federasiyasının pavilyonunda təşkil edilən tədbirdə fəal iştirak ediblər. Tədbir çərçivəsində keçirilən seminarın əsas mövzusu “Beynəlxalq Qızıl Xaç və Qızıl Aypara Hərəkatı Şəbəkəsində gənclərin liderliyi ilə həyata keçirilən iqlim dəyişikliyi fəaliyyətləri necə görünür?” idi. Seminar zamanı iştirakçılara mövzu ilə bağlı geniş məlumat verilmiş, həmçinin fikir mübadiləsi və müzakirələr təşkil olunub. AzQAC-ın İcraçı Katibi Ceyhun Mirzəyev də seminarda çıxış edərək, iqlim dəyişikliyi sahəsində Azərbaycan Qızıl Aypara Cəmiyyətinin həyata keçirdiyi fəaliyyətlər haqqında məlumat təqdim edib. O, xüsusilə gənclərin iştirakı ilə reallaşdırılan layihələr və onların əldə etdiyi nəticələr barədə ətraflı danışaraq iştirakçılara təqdimat edib.