Beynəlxalq Könüllülər Gününə həsr edilən tədbir baş tutub

8 dekabr 2024-cü il tarixində Sumqayıt şəhəri Heydər Əliyev Mərkəzində “Güvən Dayə” xidməti və təşkilati dəstək olan LIBRAFF kitab mağazaları, Azərbaycan Qızıl Aypara Cəmiyyəti, ILC MMC, Malyuk, Gənclərin İnkişaf və Karyera Mərkəzi, “Bella”, “Seni” və “Asfarma” şirkətinin əməkdaşlığı ilə “Könüllülükdə Gənclərin Rolu” adlı tədbir keçirilib.
Tədbirdə AzQAC-ın “İcmaya əsaslanan sağlamlıq” proqramının mütəxəssisi, Bakı və Sumqayıt şəhər bölmələrinin könüllüləri iştirak ediblər. M. Qaraxanova könüllü fəaliyyətinin əsasları barədə geniş təqdimatla çıxış edib. Tədbirdə könüllülük sahəsinin müxtəlif istiqamətləri barədə çıxışlar olub. AzQAC-ın könüllülərin koordinasiyası ilə iştirakçılar qruplarda könüllülüklə bağlı müxtəlif suallar ətrafında müzakirələr aparıb və təqdimatlar ediblər. Tədbirdə 40 nəfər iştirak edib.