30 noyabr 2024-cü il tarixində Azərbaycan Qızıl Aypara
Cəmiyyətinin (AzQAC) Cəbrayıl rayon bölməsinə yeni qoşulan könüllülər üçün “Beynəlxalq Qızıl Xaç və Qızıl Aypara
Hərəkatı” haqqında əsas tanışlıq kursu keçirilib.
Kursun əsas məqsədi rayon bölməsinə yeni qoşulan könüllüləri Beynəlxalq Qızıl
Xaç və Qızıl Aypara Hərəkatı ilə tanış etmək və Azərbaycan Qızıl Aypara
Cəmiyyətini ictimaiyyətdə layiqincə təmsil etmək üçün könüllülər arasında Qızıl
Xaç və Qızıl Aypara Hərəkatı haqqında bilikləri yaymaqdır.
Kurs zamanı
könüllülərə Beynəlxalq Qızıl Xaç və Qızıl Aypara Hərəkatının tarixi, Hərəkatın
tərkib hissələri, Hərəkatın fundamental prinsipləri və emblemləri və Azərbaycan
Qızıl Aypara Cəmiyyətinin fəaliyyətləri baradə ətraflı məlumat verilib. Sessiyalar
kursun müxtəlif mövzuları üzrə praktiki məşğələləri əhatə edib, müzakirələrlə
və interaktiv şəkildə təşkil olunub.
Kursda AzQAC-ın Cəbrayıl
rayon bölməsinin 12 könüllüsü iştirak edib.
