AzQAC-ın Miqrantlara təqdim etdiyi təhsil dəstəyi “Azərbaycan Dili Kursu” uğurla davam edir

Ölkənin ən böyük humanitar təşkilatı olan Azərbaycan Qızıl Aypara Cəmiyyəti (AzQAC) ölkəmizdə məskunlaşmış miqrantlara 2013-cü il oktyabr ayının 1-də başlamış təmənnasız Azərbaycan dili kursunu 12-ci ildir ki, uğurla davam etdirir. Dərslər öz əvvəlki mütəşəkkilliyini və aktivliyini saxlayaraq həftədə 3 dəfə (2 əyani,1 online) davam etməkdədir. Vaxtaşırı yazı və dərs materialları ilə təmin olunan müdavimlər dərslərdə aktiv iştirak edir, müəllimin tapşırıqlarına məsuliyyət və həvəslə yanaşır və dili öyrənmək üçün əllərindən gələni əsigəmirlər. Yeni sözlər yazı taxtasında müdavimlər vasitəsilə yazılır və cümlələr tərkibində işlədilir. Miqrantların tez-tez tarixi yerlərə gəzintiləri, bəzi qurum və tədris mərkəzləri ilə aparılan əməkdaşlıq sayəsində edilən dəvətlər əsasında seminar və bayram tədbirlərində iştirakı təşkil olunur.