Beynəlxalq Qızıl Xaç və Qızıl Aypara Hərəkatı üzrə praktiki sessiyalar keçirilib

13-15 dekabr tarixlərində Azərbaycan Qızıl Aypara Cəmiyyətinin (AzQAC) Füzuli rayon bölməsinin könüllüləri üçün Beynəlxalq Qızıl Xaç və Qızıl Aypara Hərəkatı üzrə praktiki sessiyalar təşkil olunub. Bu təlim könüllülər üçün təqdimat bacarıqlarını artırmaq, Beynəlxalq Qızıl Xaç və Qızıl Aypara Hərəkatı haqqında biliklərini dərinləşdirmək üçün nəzərdə tutulub. Təlim zamanı iştirakçılar icmalarda effektiv sessiyalar təşkil etmək məqsədi ilə Hərəkat üzrə yayım sessiyasının müxtəlif elementlərini təcrübədən keçiriblər, Beynəlxalq Qızıl Xaç və Qızıl Aypara Hərəkatının yaranma tarixi, Hərəkatın tərkib hissələri, emblemlər və fundamental prinsiplər, eləcə də Azərbaycan Qızıl Aypara Cəmiyyətinin tarixi, missiyası və fəaliyyətləri kimi Hərəkata aid müxtəlif mövzular təqdim ediblər və nəzəri biliklərini praktiki olaraq tətbiq etmək imkanı əldə ediblər. Sessiyalarda ümumilikdə Füzuli rayon bölməsinin 13 könüllüsü iştirak edib.