Azərbaycan Qızıl Aypara Cəmiyyətinin miqrant şagirdləri Həmrəylik günü və Yeni il tədbirində

28 dekabrda Azərbaycan Qızıl Aypara Cəmiyyətinin Azərbaycan dili kursunun miqrant şagirdləri “Green Start Academy” Təhsil Mərkəzində tədbirdə iştirak ediblər. Tədbir Dünya Azərbaycanlılarının Həmrəyliyi  günü və Yeni il –2025-ci ilin gəlişi gününə həsr edilib.

Azərbaycan dili müəllimi Sona  Hacıyeva  və mərkəzin rəhbəri Aysel Rəsulzadə 31 dekabr dünya Azərbaycanlıların Həmrəylik günü münasibətilə təbrik edib. Mərkəzin əməkdaşları, Valideyn Komitəsinin tanınmış ziyalı müəllimləri, könüllülər şagirdləri və valideynləri hər iki bayram münasibəti ilə təbrik ediblər. Sonra uşaqlara bayram sovqatları paylanılıb və çay süfrəsinə dəvət edilib.
Sonda  Miqrasiya şöbəsinin  əməkdaşı, müəllimə Sona Hacıyeva mərkəzin kollektivinə, başda Aysel xanım olmaqla təşəkkür edərək onların bu humanist addımını yüksək qiymətləndirib. Miqrant valideynlər də çox razı qaldıqlarını ifadə ediblər.