BQXQACF-nin Cənubi Qafqaz ölkələr üzrə nümayəndəsi AzQAC Sumqayıt şəhər bölməsinin qonağı olub

Beynəlxalq Qızıl Xaç və Qızıl Aypara Cəmiyyətləri Federasiyasının Cənubi Qafqaz ölkələri üzrə klaster nümayəndəliyinin rəhbəri xanım Sonja Bjorklund AzQAC Sumqayıt şəhər bölməsinin qonağı olub. Sonya xanımı BQXKQACF-in Milli Cəmiyyətin inkişafı üzrə nümayəndəsi Aleksandr Mordovin müşayət edib. Həmçinin Azərbaycan QAC-nin vitse-prezidenti Əziz Qocayev və İcraçı katibin müavini, Gənclər və könüllülər şöbəsinin müdiri Xalidə İsgəndərova görüşdə iştirak ediblər. Ofislə tanışlıqdan sonra qonaqlara foto-slayd əsasında bölmənin fəaliyyəti ilə bağlı hazırlanmış təqdimatı bölmənin sədr müavini Lalə Cəlilzadə təqdim edib. AzQAC Sumqayıt Regional Mərkəzin koordinatoru Mətanət Məhərrəmova “Faktlar və Rəqəmlər” başlıqlı 2024-cü ilin bölmə fəaliyyətinə həsr olunmuş kitabcanı təqdim edib.