Qaradağ rayonunda AzQAC-in icmaya əsaslanan sağlamlıq sahəsində maarifləndirici tədbiri keçirilib

 18 Fevral 2025-ci il tarixində Qaradağ Rayonu Buta qəsəbəsində yerləşən 184 saylı tam orta məktəbdə “Reproduktiv sağlamlıq” mövzusunda seminar təşkil edilib. Tədbirdə Gənclər İdman Nazirliyinin Qaradağ Rayonu üzrə  İdarəsinin rəhbəri Elçin Abasov və AzQAC-ın Qaradağ RB sədri N.Eyvazov iştirak etmiş, bu kimi maarifləndirici tədbirlərin keçirilməsini müsbət qiymətləndirmişdir. Seminarda Cəmiyyətin “İcmaya əsaslanan Sağlamlıq” proqramının mütəxəssisi Mətanət Qaraxanova AzQAC-in icmalarda əhalinin sağlam olması üçün səhiyyə maarifi işinin həyata keçirilməsinin vacib olduğunu qeyd etmişdir. Reproduktiv sağlamlıq mövzusu ilə əlaqədar Azərbaycan Tibb Universitetinin ginekologiya kafedrasının assistenti, t.e.ü.f.d. Günay Məmmədli geniş şəkildə məlumatları təqdim edib. Bununla yanaşı, tədbirdə “Bella” şirkəti və “Güvən” Dayə xidmətinin nümayyəndələri iştirak etmiş, şagirdlərin sağlamlıqlarına dair faydalı məlumatlarla çıxış ediblər.