24
fevral 2025-ci il tarixində Azərbaycan Qızıl Aypara Cəmiyyətinin (AzQAC)
İdarəetmə Şurasının geniş tərkibdə iclası keçirilib. İclasa AzQAC-ın
prezidenti, Milli Məclisin deputatı Novruz Aslanov sədrlik edib. O, giriş sözü
ilə çıxış edərək iclas iştirakçılarını salamlayıb və ilk olaraq 26 fevral
Xocalı faciəsində həlak olan soydaşlarımızın şərəfinə bir dəqiqəlik sükut elan
olunub.
Daha
sonra iclasın gündəliyi təsdiq olunub və müzakirələrə başlanılıb. Novruz
Aslanov öz çıxışında AzQAC-ın humanitar fəaliyyət istiqamətlərindən danışaraq
ehtiyacı olan vətəndaşlara, eləcə də fövqəladə hallar zamanı zərərçəkən
insanlara göstərilən humanitar yardımlar
barədə ətraflı məlumat verib. O, eyni zamanda AzQAC-ın 105 illik yubileyinin
qeyd olunmasının əhəmiyyətini vurğulayaraq, bu ölkə miqyaslı tədbirin düzgün
planlaşdırılmasının vacibliyini qeyd edib. Sədr çıxışında sözlərində AzQAC-ın 105 illik tarixi bizim tariximizdir və ehtiyaclı insanlara
humanitar yardımın göstərilməsində həmişə böyük uğura nail olmuşdur deyərək çıxışın
davam edib.
AzQAC-ın
prezidenti daha sonra vurğulayıb ki, Respublika Prezidenti cənab İlham Əliyevin
göstərdiyi diqqət və qayğı nəticəsində Qızıl Aypara Cəmiyyəti yalnız ölkə
daxilində deyil, eyni zamanda MDB məkanında da humanitar yardım sahəsində
önəmli donor qurumlardan birinə çevrilib. Xüsusilə, Xankəndi-Ağdam yolunda
həyata keçirilən xeyirxah missiya çərçivəsində Qızıl Aypara Cəmiyyətinin
ehtiyac sahibi insanlara göstərdiyi böyük humanitar yardım nümunəvi
fəaliyyətlər sırasında göstərilir.
AzQAC-ın
vitse-prezidenti Qafar Əsgərzadə söz alaraq vurgulayıb ki, bu günə qədər
görülən işlər öz uğurlu yolunu davam etdirməkdədir və bu uğurlu yolun daha
davamlı olması üçün əlimizdən gələn dəstəyi, yardımı etməliyik.
Daha
sonra iclasda AzQAC-ın Sumqayıt Regional Mərkəzinin koordinatoru Mətanət
Məhərrəmova çıxış edərək Sumqayıt şöbəsinin fəaliyyətləri barədə geniş hesabat
təqdim edib. O, Sumqayıtda gerçəkləşdirilən sosial və humanitar layihələr,
ehtiyac sahiblərinə edilən yardımlar və könüllülərin fəaliyyəti haqqında
məlumat verib.
İdarəetmə
Şurası qarşıda gələn AzQAC XXVII Baş Məclisinin gündəliyi, aparılma qaydası,
digər prosedur sənədləri təsdiq etdi.
Daha
sonra Mandat Komissiyasının hesabatlarına uyğun olaraq AzQAC prezidentliyinə və
vitse-prezidentliyinə namizədlərin siyahısı, seçki bülletenləri təsdiq olundu.
İdarəetmə
Şurasının üzvü İsa Qaraşov AzQAC-ın 105 illik Yubileyinin yüksək səviyyədə,
təntənəli keçirilməsi üçün bütün qüvvələrin səfərbər olunmasının vacibliyini
qeyd etdi.
Sonda
iclas iştirakçıları Cəmiyyətin gələcək planları ilə bağlı fikir mübadiləsi
aparıb, təşkilatın fəaliyyətinin daha da gücləndirilməsi istiqamətində
təkliflərini irəli sürüblər. Qəbul edilən qərarlarla bağlı müvafiq tapşırıqlar
verilib və iclas bununla sona çatıb.