“ Azərbaycan Qızıl Aypara 105 il şagirdlərin gözü ilə” rəsm müsabiqəsi keçirilib

Əsas səhifə / XƏBƏRLƏR / “ Azərbaycan Qızıl Aypara 105 il şagirdlərin gözü ilə” rəsm müsabiqəsi keçirilib
 The Sumgayit city branch of the Azerbaijan Red Crescent Society held a viewing of the paintings entitled "105 years of the Red Crescent through the eyes of schoolchildren"

4 mart 2025-ci il tarixində Sumqayıt şəhəri Muğam Mərkəzində Azərbaycan Qızıl Aypara Cəmiyyətinin 105 illik yubileyi münasibəti ilə Sumqayıt Regional Mərkəzinin təşkilatçılığı ilə Sumqayıt şəhəri ümumtəhsil məktəbləri arasında “Qızıl Aypara 105 il şagirdlərin gözü ilə” rəsm müsabiqəsi kecirilib. Rəsm sərgisində Azərbaycan Qızıl Aypara Cəmiyyətinin prezidenti, Millət Vəkili Novruz Aslanov, Sumqayıt şəhər İcra Hakimiyyətinin birinci müavini Teymur Səmədov, FHN-nin Sumqayıt Regional Mərkəzinin rəisi, polkovnik Vaqif Fətullayev, Sumqayıt Təhsil sektorunun müdiri İman Ağayev, rəsm müsabiqəsinə qatılan şagirdlər və məktəbin müəllimləri, mütəxəssis peşəkar rəssamlar və bir qrup şəhər ictimaiyyəti iştirak edib.
 
AzQAC Sumqayıt Regional Mərkəzin Koordinatoru Mətanət Məhərrəmova qonaqları və tədbir iştirakçılarını  salamlayaraq, Qızıl Aypara Cəmiyyətinin kecdiyi şərəfli yoldan, Sumqayıt şəhər bölməsinin fəaliyyəti haqqında qısa məlumat verərək sözü Cəmiyyətin prezidenti, Millət Vəkili Novruz Aslanova verib. Novruz Aslanov Cəmiyyətə göstərilən dövlət qayğısından, Aypara Cəmiyyətinin kecdiyi inkişaf yolundan danışıb. Sumqayıt İcra Hakimiyyəti başçısı Zakir Fərəcovun Sumqayıt ayparacılarına diqqətini xüsusi qeyd edib. Novruz Aslanov maraqlı və düşündürücü rəsmlərə görə kicik rəssamlara öz təşəkkürünü bildirdi.
Qarşıdan gələn 105 illik yubiley münasibəti ilə AzQAC əməkdaşlarına, başda Novruz Aslanov olmaqla, bütün əməkdaşları və könüllüləri yubiley münasibəti ilə təbrik edərək, ən xoş arzularını bildirib. Daha sonra seçilən şagirdlərə diplomlar, iştirakçı sertifikatları və hədiyyələr verilib.