AzQAC Sumqayıt şəhər bölməsində Türk Kızılayın Ramazan kampaniyası çərçivəsində ehtiyaclı ailələr sevindirilib

Azərbaycan Qızıl Aypara Cəmiyyətinin təşkilatçılığı ilə Türk Kızılayın 2025-ci il Ramazan kampaniyası çərçivəsində digər bölgələr kimi Sumqayıt şəhər bölməsinin ahılları və imkansız aztəminatlı ailələri də sevindirilib. Belə ki, 75 ailə üçün ərzaq qutusu ailələrə paylanılıb. Azərbaycan Qızıl Aypara Cəmiyyətinin İcraçı katibinin müavini Elşən Səlimzadənin müşayəti ilə Türk Kızılayın Azərbaycandakı nümayəndəsi Hüseyn Çitak yardım kampaniyasında iştirak ediblər. QAC Sumqayıt Regional Mərkəzin Koordinatoru Mətanət Məhərrəmova  Hüseyn Çitaka Sumqayıt bölməsinin ehtiyaclı ailələrini diqqətdə saxladıqları üçün öz adından minnətdarlığını bildirib. Tədbirə gələ bilməyən ahılların ərzaq qutuları evlərinə çatdırılıb.