13 Mart 2025-ci il
tarixində Cənubi Qafqaz və İtaliya Qızıl Xaçın nümayəndəsi Simona Rescigno, Azərbaycan Qızıl Aypara Cəmiyyətində İtaliya Qızıl Xaç tərəfindən yeni təsdiqlənmiş
layihə üzrə əməkdaşları ilə görüş keçirib.
Görüşdə İcraçı
katibin müavini Elşən Səlimzadə, “İcma və məktəb, fəlakət risklərinin
azaldılması” layihəsinin məsləhətçisi Faiq Tahirov, Sağlamlıq və Qayğı şöbəsinin
müdiri Əminə Cabbarova, Baş İqtisad-xəzinədar İradə İbrahimova, Sağlamlıq və Qayğı şöbəsinin həkim-məsləhətçisi
Şahin Biləndərli və Lənkəran rayon bölməsinin sədri Zəfər Miriyev iştirak etdilər.
Yeni layihə Məktəb
və icmalarda Fəlakət risklərinin azadılması 3 rayonda - Lənkəran, Lerik və Astarada icra ediləcəkdir. Bu layihənin həyata
keçirilməsində əsas məqsəd - əhalinin maarifləndirməsi və fövqəladə halların
qarşısının mümkün qədər tez aradan qaldırılmasıdır.
Simona Rescigno
işçi qrup ilə görüşərək layihə üzrə suallara cavab verib və fövqəladə hallara
çevik reaksiyanın verilməsinin vacibliyini vurğulayıb. Elşən Səlimzadə tərəfindən
tərtib edilən İş planı qrup ilə müzakirə edilib və növbəti mərhələlər müzakirə
olunub.
