Hər il dünyada 24 Mart Vərəmlə mübarizə günü qeyd edilir. Ənənəvi
olaraq, AzQAC-in “İcmaya əsaslanan Sağlamlıq proqramı” çərçivəsində Sumqayıt şəhərində
bu günə həsr edilən maarifləndirici seminar keçirilib.
2011-ci ildən AzQAC Azərbaycan Vərəmlə Mübarizə QHT Koalisiyanın (AzVMQK)
üzvüdür. Koalissiyanın fəaliyyətlərindən biri maarifləndirici tədbirlərin həyata
keçirilməsidir. Belə ki, aprel ayının 1-də AzVMQK üzvü olan Sumqayıt şəhəri “Əlilliyi
olan şəxslərin sosial müdafiəsinə və inteqrasiyasına dəstək” İB təşkilatçılığı
ilə “Bəli. Biz Vərəmə son qoya bilərik” şüarı altında maarifləndirici seminar təşkil
edilib. Seminarda digər Koalisiyanın üzvü olan “Eşitmə məhduduyyəti olan şəxslərə
sosial dəstək” İB rəhbəri Cəmilə Abdulova
iştirak etmişdir.
AzQAC sağlamlıq proqramının mütəxəssisi M.Qaraxanova seminar
iştirakçılarına ÜST-n 2030-cu ilə qədər Vərəmə son Strategiyaya əsasən vərəmlə mübarizədə tövsiyyələri qeyd edib..
Bununla yanaşı M.Qaraxanova ÜST dünyada Vərəmlə mübarizə üzrə həyata keçirilən
tədbirlər sayəsində nailiyyətləri (2000-ci ildən bəri 79000000 insanın həyatının
xilas edilməsi), yeni diaqnostik testlərin mövcud olmasını və gələcəkdə nəzərdə
tutulan öhtəliklər barədə məlumatları təqdim edib. ÜST-n Vərəmlə mübarizədə
keyfiyyətli səhiyyə xidmətlərin olması, sərmayənin ayrılması və mültisektoral əməkdaşlığın
əhəmiyyətli olduğunu barədə məlumatları vurğulamışdır. Seminar iştirakçılrına Vərəm
xəstəliyinin yaranma səbəbləri və əlamətləri,
yayılması və müalicə proqramları barədə məlumatlar çatdırılıb.
