Ümumdünya Sağlamlıq Günü qeyd edildi

Hər il dünyada 7 Aprel Ümumdünya Sağlamlıq Günü kimi qeyd edilir. 7 aprel 1948-ci ildə Ümumdünya Səhiyyə Təşkilatının Konstitusiyası qüvvəyə minib və buna əsasən  hər il Ümumdünya Sağlamlıq Günü kimi qeyd edilir.
Belə ki, aprel ayın 3-də Azərbaycan Qızıl Aypara Cəmiyyəti, “Güvən” dayə xidməti və təşkilati dəstək olan “Bella” şirkəti, Sosial Adaptasiya İnkişafına Yardım İctimai Tədris Mərkəzinin əməkdaşlığı çərçivəsində maarifləndirici seminar təşkil olunmuşdur. AzQAC-ın əməkdaşı “İcmaya əsaslanan sağlamlıq” proqramının mütəxəssisi Mətanət Qaraxanova  təqdimatla çıxış edib, seminar iştirakçılarına ana və uşaq sağlamlığı ilə bağlı tövsiyyələr səsləndirib. Tədbirdə iştirak edən AzQAC-ın miqrasiya şöbəsinin mütəxəssisi Sona Hacıyeva və digər  təşkilat nümayyəndələri çıxış edərək, bir daha ana və uşaqların sağlamlığına diqqəti artırmaq üçün maarifləndirmə tədbirlərinin geniş həyata keçirilməsinin əhəmiyyətli olduğunu vurğulayıblar.  
Digər tədbirlər,  7 aprel tarixində Ə.Əliyev adına Azərbaycan Dövlət Həkimləri Təkmilləşdirmə İnstitutu və 2 saylı Baza Tibb Kolecində keçirilmişdir. Tədbirdə ümumilikdə 60 nəfər iştirak etmişdir. ÜST 7 Aprel Ümumdünya Sağlamlıq Gününə həsr edilən plakatları seminarlarda istifadə edilmişdir.