Azərbaycan Qızıl Aypara Cəmiyyətinin Miqrasiya
şöbəsində 2013-cü ildən etibarən, hər il oktyabrın 1-dən başlayaraq, Cəmiyyətin
prezidenti, millət vəkili cənab Novruz Aslanovun təşəbbüsü ilə miqrant
ailələrinə təmənnasız Azərbaycan dili dərsləri keçirilir.
Dərslər həftə ərzində Əfqanıstan və Pakistan vətəndaşı
olan miqrantlara müəllimə Sona Hacıyeva tərəfindən həm əyani, həm də onlayn
formada tədris olunur.
Tədris zamanı iştirakçılara Azərbaycan dili
qrammatikası, leksika və danışıq
öyrədilir. Bununla yanaşı, ölkənin tarixi, coğrafiyası, adət-ənənələri,
milli mətbəxi və tarixi məkanları barədə də ətraflı məlumat verilir.
Dərslər ümumilikdə 9 ay davam edir. Əvvəlki illərdə
hər il 45-55 nəfər kursu bitirərək Cəmiyyətin şəhadətnaməsini əldə edirdisə,
son illərdə mövcud şəraitlə əlaqədar bu rəqəm 20-25 nəfər civarındadır.
Hazırda kursda 22 nəfər əfqan və pakistanlı müdavimlər
böyük maraqla dərslərdə iştirak etməyə davam edirlər.
