Ötən
həftə 10 -13 aprel tarixində Bakı İdman Sarayında silsilə mövzularla maraqlı və
əyləncəli IV Uşaq Kitab Festivalı keçirilib. Hər gün festivalda fərqli mövzularla
bağlı tamaşa və söhbətlər, eləcə də tanınmış insanlarla görüşlər təşkil edilib.
12 aprel milli geyimlərə, 13 aprel isə nağıl qəhrəmanlarına həsr edilib. “Green
Star Academy” təhsil mərkəzinin dəvəti ilə miqrant şagirdlər də bu tarixlərdəki
tədbir və tamaşalarda iştirak ediblər. Tədbirə millət vəkilləri, şairlər və
pedaqoqlar, valideynlər də qatılıblar.
“Mənim nağıl qəhrəmanım” gününü keçirməkdə
məqsəd uşaqlara nağılları, kitabları, eləcə də folklorumuzu sevdirmək və
kitabla bağlı xoş xatirələr yaşatmaq olub.
Miqrant məktəblilər və valideynlər bu dəvət
üçün Qızıl Aypara Cəmiyyətinin miqrasiya şöbəsinə, müəllimə Sona Hacıyevaya və
“Green Star Academy” təhsil mərkəzinin rəhbəri Aysel Rəsulzadəyə təşəkkür ediblər.
