AzQAC-ın Abşeron RB 8 May Ümumdünya Qızıl Xaç və Qızıl Aypara Hərəkatı Günü münasibətilə tədbir keçirib

Qızıl Aypara Cəmiyyətinin  Abşeron rayon bölməsi may ayının 7-də Xırdalan şəhər 4 saylı məktəbdə Beynəlxalq Qızıl Xaç və Qızıl Aypara hərəkatı və ümummilli lider Heydər Əliyevin 102 illiyi ilə bağlı tədbir keçirib. Tədbirdə AzQAC-ın  Abşeron rayon bölməsinin sədri Fazilə Hüseynova, təlimatçı Ləman Arazlı, könüllü Məsumə Xeyrullayeva, 4 saylı məktəbin direktoru Zəminə Nurayeva, dərs hissə müdiri Vəsilə Əliyeva və məktəbin şagirdləri iştirak edib.

Tədbirdə çıxış edən F.Hüseynova ulu öndərin 102 illiyi ilə bağlı Heydər Əliyevin həyat və fəaliyyəti haqqında geniş məlumat verib. Beynəlxalq Qızıl Xaç və Qızıl Aypara hərəkatı haqqında çıxışında isə hərəkatın yaranma zərurətindən, onun missiyası, fəaliyyəti və gördüyü işlərdən geniş məlumat verib. Məktəbin direktoru Zəminə xanım, dərs hissə müdiri Vəsilə müəllimə ulu öndər haqqında xatirələrini bölüşüb. Sonda isə xatirə şəkili çəkilib.