AzQAC-ın Cəbrayıl rayon bölməsinin könüllüləri Cəbrayıl rayonunun Minbaşlı kənd tam orta məktəbində maarifləndirici sessiya keçirib

6 may 2025-ci il tarixində Azərbaycan Qızıl Aypara Cəmiyyətinin Cəbrayıl rayon bölməsinin könüllüləri tərəfindən Cəbrayıl rayonunun Minbaşlı kənd tam orta məktəbinin şagirdləri üçün maarifləndirici sessiya təşkil olunub. Tədbir zamanı şagirdlərə Beynəlxalq Qızıl Xaç və Qızıl Aypara Cəmiyyətləri  Hərəkatının yaranma tarixi, fəaliyyəti və əsas prinsipləri haqqında ətraflı məlumat verilib, eyni zamanda Azərbaycan Qızıl Aypara Cəmiyyətinin ölkəmizdəki humanitar missiyası, fəaliyyəti və könüllülərin bu sahədəki rolu izah olunub. Sessiyanın əsas məqsədi şagirdlərdə humanitar dəyərlər haqqında bilik və maraq yaratmaq, eləcə də onları gələcəkdə könüllülük fəaliyyətinə cəlb edilməsi olub. Tədbir interaktiv şəkildə keçib, iştirakçıların sualları cavablandırılıb  və mövzu ilə bağlı fikir mübadiləsi aparılıb.