“Ümumdünya Qızıl Xaç və Qızıl Aypara Hərəkatı Günü” və Ümummilli lider, Azərbaycan Qızıl Aypara Cəmiyyətinin Fəxri üzvü Heydər Əliyevin anadan olmasının 102-ci ildönümü münasibətilə ekoloji aksiya təşkil olunub

8 May – “Ümumdünya Qızıl Xaç və Qızıl Aypara Hərəkatı Günü” və ümummilli lider, Azərbaycan Qızıl Aypara Cəmiyyətinin Fəxri üzvü Heydər Əliyevin anadan olmasının 102-ci ildönümü münasibətilə ekoloji aksiya təşkil olunub.  Aksiya Azərbaycan Qızıl Aypara Cəmiyyətinin İsmayıllı rayonu üzrə Regional Mərkəzinin təşəbbüsü ilə həyata keçirilmiş və Qobustan ilə Şamaxı rayonlarının sərhədində yerləşən, seldən zərər çəkmiş Pirsaat çayı ərazisində baş tutub. Tədbirdə QAC-ın İsmayıllı Regional Mərkəzinin koordinatoru Anar Mustafayev, Qobustan rayon bölməsinin sədri Nemət Alcanov, Şamaxı rayon bölməsinin sədri Fərman Əhmədov, eləcə də hər iki rayonun könüllüləri iştirak edib.  Ekoloji aksiyanın məqsədi təbiətin mühafizəsinə töhfə vermək, gənclər arasında ekoloji şüurun artırılması və təbii fəlakətlərin təsirinə məruz qalmış ərazilərin bərpasına dəstək göstərmək olub. Aksiya çərçivəsində ərazidə təmizlik işləri aparılmış, tullantılar toplanmış və iştirakçılar tərəfindən ətraf mühitin qorunmasının vacibliyi ilə bağlı maarifləndirici müzakirələr keçirilib.