AzQAC Nizami Rayon Bölməsi tərəfindən yardım aksiyası keçirilib

9 may 2025-ci il tarixində Azərbaycan Qızıl Aypara Cəmiyyəti Nizami rayon bölməsində yardım paylanılıb. Azərbaycan Qızıl Aypara Cəmiyyəti Nizami rayon bölməsində Ümummilli Lider Heydər Əliyevin 102-ci il dönümü münasibəti ilə 100 nəfər şəhid, qazi , aztəminatlı ailələrə, əlillərə, kimsəsiz qocalara ərzaq yardımı paylanılıb. Bakı Regional Mərkəzin koordinatoru Rəna İbrahimova Ulu Öndər Heydər Əliyevin həyat və fəaliyyətindən, həm daxili, həm də xarici siyasətdəki rolundan danışıb. Yardım alan insanlar hər zaman onlara göstərilən diqqət və qayğıya görə öz minnətdarlıqlarını bildiriblər. Sonda bir neçə yataq xəstəsi olan ehtiyaclı insanların evinə gedərək onlara da yardım qutuları çatdırılıb.