2025-ci il İyunun 13-də AzQAC-ın Sağlamlıq və
Qayğı şöbəsinin əməkdaşları AzQAC-ın Bərdə rayon bölməsinə baş çəkiblər. Əsas məqsəd
bölqənin işçi və könüllü heyəti ilə 14 İyun, Qan Donorluğu gününə həsr edilmiş
məlumat mübadiləsini aparmaq, Sağlamlıq və Qayğı sahəsinin strateji istiqamətləri
ilə tanış etmək, fəaliyyətləri müzakirə etmək olub.
Sağlamlıq və Qayğı şöbəsinin müdiri Səbinə xanım
görüşün əsas məqsədini səsləndirərək, eyni zamanda könüllülərə müxtəlif
imkanlardan istifadə edib əhalinin sağlamlığına dair məlumatların yayılmasında,
tədbirlərin təşkil olunmasında və eyni zamanda sağlamlıq sahəsində hansı biliklərə
ehtiyacın olunmasınıda könüllüləri fəal iştirak etməyə çağırmışdır. Bu sahədə
AzQAC tərəfindən lazımlı köməkliyin göstərilməsini onların diqqətinə
çatdırılmışdır.
İlk Yardım təlimlərində könüllülərin aktiv
iştirakları vürğulanmış və yaxşı qiymətləndirilmişdir.
AzQAC-ın
“İcmaya əsaslanan sağlamlıq” proqramının mütəxəssisi Mətanət Qaraxanova
könüllülərə 14 İyun Qan Donorluğu Günü və ümumiyyətlə qan donorluğu haqqında
(tarıx, müsbət tərəflər, kimin qan donoru olması icazə verilir və s.) ətraflı məlumat
təqdim etmişdir. Təqdimatın sonunda iştirakçıların bütün sualları ətraflı
cavablandırılmişdir.
Bərdə bölməsinin rəhbərliyi və könüllüləri belə
bir məzmunlu təqdimata görə təşəkkür
edib, bu kimi görüşlərin tez tez təşkil olunması arzularını səslənidirmişlər.
