AzQAC Türk Kızılay tərəfindən təşkil olunmuş ''Türk Dünyası Könüllük Düşərgəsi''ndə iştirak edib

Türk Kızılayı tərəfindən təşkil edilən təhsilyönümlü düşərgə, könüllülər və humanitar işçilər arasında təcrübə mübadiləsi və əməkdaşlığın inkişaf etdirilməsi məqsədi ilə təşkil olundu.

Bu tədbirə Azərbaycan, Özbəkistan, Qazaxıstan, Türkmənistan və Kıbrıs dövlətlərindən könüllülər və əməkdaşlar dəvət olunmuşdu. Əsas məqsəd - iştirakçı ölkələrin milli cəmiyyətlərinin təcrübələrini paylaşmaq, insanlara yardım göstərmək sahəsində əldə etdikləri nailiyyətləri müzakirə etmək və birgə fəaliyyətləri inkişaf etdirmək idi.

Düşərgə müddətində müxtəlif təlimlər, seminarlar və müzakirələr təşkil olundu. Hər bir ölkə öz milli cəmiyyətinin fəaliyyət sahələri üzrə xüsusi təqdimatlar etdi, könüllülər və əməkdaşlar arasında qrup işləri keçirildi. Qrup işlərində iştirakçılar, öz ölkələrindəki humanitar fəaliyyətləri və bu fəaliyyətlərin praktiki tərəflərini müzakirə etdilər, beynəlxalq əməkdaşlıq və müştərək layihələr haqqında fikir mübadiləsi aparıldı.

Azərbaycan Qızıl Aypara Cəmiyyətinin Sumqayıt Regional Mobil Texniki Dəstəsinin əməkdaşları və könüllüləri, özlərinin yerli və beynəlxalq miqyasda həyata keçirdikləri layihələr barədə təqdimat etdilər. Onlar, əsasən, təcili yardım xidmətləri, təbii fəlakətlər zamanı yardım göstərilməsi və bu kimi fəaliyyətlər barədə öz təcrübələrini paylaşdılar. Təqdimat zamanı, onların yerli icmalarla işləmək təcrübəsi və bu sahədəki çətinliklər müzakirə olundu.

Könüllülər, bu tip tədbirlərdən yalnız peşəkar biliklər əldə etmirlər, həm də yeni dostlar tapır, müxtəlif mədəniyyətlər və təcrübələrlə tanış olurlar. Bu da onların şəxsi inkişafına, liderlik bacarıqlarının artırılmasına və işlərində daha təsirli olmalarına kömək edir. İştirakçıların bir çoxu, birgə layihələrə imza atmağı və gələcəkdə daha çox beynəlxalq əməkdaşlıqda iştirak etməyi planlaşdırdı.

Həmçinin, müxtəlif mədəniyyətlərin bir arada işləməsinin və qarşılıqlı anlayışın nə qədər önəmli olduğunu bir daha göstərdi. Könüllülər və əməkdaşlar arasında yaranan güclü bağlar, gələcəkdə birgə fəaliyyətlərin daha effektiv və uğurlu olacağına dair əminlik yaratdı. Bu cür tədbirlər, humanitar sahədəki əməkdaşlıq üçün böyük əhəmiyyət kəsb edir və könüllülərin öz missiyalarını daha yaxşı yerinə yetirmələri üçün vacib bir platforma təqdim edir.

Azərbaycan Qızıl Aypara Cəmiyyətinin əməkdaşları və könüllülərinin təhsilyönümlü düşərgədə yer aldığı üçün bizə dəvət göndərən  Türk Kızılayın rəhbərliyinə öz minnətdarlığımızı bildiririk.