Ağdamda su paylanılma aksiyası keçirilib

8 avqust 2025-ci il tarixində Ağdam Rayon Mərkəzi Xəstəxanasında isti hava şəraitinin təsirlərini azaltmaq məqsədilə humanitar aksiya keçirilib. Azərbaycan Qızıl Aypara Cəmiyyətinin yerli bölməsi tərəfindən təşkil olunan tədbir çərçivəsində xəstələrə və xəstəxana qarşısında növbədə gözləyən vətəndaşlara  su paylanılıb.

Aksiyanın məqsədi yay aylarında yüksək temperaturun yaratdığı sağlamlıq risklərinin azaldılması, susuzluqdan yaranan narahatlıqların qarşısının alınması və ictimai maarifləndirmənin təşviqidir.

Azərbaycan Qızıl Aypara Cəmiyyətinin nümayəndələri tədbirin davamlı olaraq oxşar hava şəraiti zamanı digər ərazilərdə də həyata keçiriləcəyini bildiriblər. Onların sözlərinə görə, bu cür aksiyalar əhalinin rifahına töhfə verməklə yanaşı, həm də humanitar dəstəyin əlçatanlığını artırır.