Avqustun 16-da 2025-ci il tarixində Azərbaycan Respublikası Milli Məclisin deputatı Səbinə Salmanovanın təşəbbüsü ilə Xəzər dənizinin Sumqayıt Bulvarı sahilində genişmiqyaslı iməcilik aksiyası həyata keçirib. Aksiya ətraf mühitin mühafizəsi, ictimai həmrəyliyin gücləndirilməsi və ekoloji tərbiyənin artırılması məqsədilə təşkil olunub.
Tədbirdə Sumqayıt Şəhər İcra Hakimiyyəti başçısının tabeliyində fəaliyyət göstərən “Sumqayıt Bulvar” MMC, Azərbaycan Qızıl Aypara Cəmiyyəti Sumqayıt Regional Mərkəzi, Xəzər Humanitar Fondu, “Sağlam Düşüncə” Gənclər Təşkilatı, şəhər ictimaiyyəti, könüllülər, ekoloji fəallar və gənclər iştirak ediblər.
Tədbirdə iştirak edən qurumların nümayəndələri, gənclər, könüllülər, ekoloji fəallar belə təşəbbüslərin davamlı olmasının vacibliyini vurğulayıblar.
Onlar ətraf mühitin qorunmasının yalnız dövlət və qurumların deyil,
bütün cəmiyyətin birgə məsuliyyəti olduğunu bildiriblər.
Sonda iştirakçılar sahil boyu təmizlik işləri apararaq ərazini tullantılarından
təmizləyiblər.
