Beynəlxalq Sülh və Etibarlılıq İli – ikinci gün

2025-ci il 5 sentyabrın 5-də Türkmənistanın paytaxtı Aşqabad şəhərində MDB ölkələrinin Milli Qızıl Xaç və Qızıl Aypara Cəmiyyətləri Rəhbərləri ilə Beynəlxalq Qızıl Xaç və Qızıl Aypara Cəmiyyətləri Federasiyası və Beynəlxalq Qızıl Xaç Komitəsinin nümayəndələrinin “Beynəlxalq Sülh və Etibarlılıq İli – İnsanlıq və Bitərəflik” adlanan görüşünün ikinci günü keçirilib. 

Görüşdə Azərbaycan, Qazaxıstan (onlayn formatda), Qırğızıstan, Türkmənistan, Tacikistan, Özbəkistan Qızıl Aypara cəmiyyətlərinin, eləcə də Ermənistan və Rusiya Qızıl Xaç Cəmiyyətlərinin nümayəndə heyətləri iştirak ediblər. Müzakirələrin əsas mövzusunu Milli Cəmiyyətlərin gəlir-gətirmə fəaliyyətlərinin inkişafı, eləcə də könüllülük hərəkatının potensialının gücləndirilməsi təşkil edib. Tədbirin məqsədi – müasir humanitar çağırışlara cavab vermənin səmərəliliyini artırmaq üçün MDB ölkələrinin Qızıl Xaç və Qızıl Aypara Milli Cəmiyyətləri arasında regional əməkdaşlığın möhkəmləndirilməsidir.

İkinci gün ‘’Fandreyzingin qanunvericilik bazası və ictimai sahibkarlıq’’ mövzusuna həsr olunub. Cəmiyyətlər nəzəri və praktiki addımlara daha çöx önəm verməyə diqqət yetiriblər.

Keçirilən konfrans çərçivəsində Azərbaycan Qızıl Aypara Cəmiyyətinin İcraçı katibinin müavini Şaban Şayev Turkmenportal xəbər saytına rəsmi müsahibə verib:

«Türkmənistanın Milli Qızıl Aypara Cəmiyyətinə dəvət üçün səmimi təşəkkürümüzü bildiririk. Bu görüşdən gözləntilər – Milli Cəmiyyətlər arasında əməkdaşlığın möhkəmləndirilməsi, ən yaxşı təcrübələrin mübadiləsi sahəsində sıx əlaqələrin inkişafıdır ki, bu da gələcəkdə cəmiyyətlərin potensialının gücləndirilməsinə, müasir dövrün humanitar çağırışlarının həllində onların rolunun artırılmasına töhfə verəcəkdir.»
Həmçinin,  Qətər Qızıl Aypara Cəmiyyətinin nümayəndələri Mohd Ahmed Al-Beshri və Aiham Ismaiel Al Sukhni ilə Azərbaycan Qızıl Aypara Cəmiyyətinin İcraçı katibi Ceyhun Mirzəyev, İcraçı katibin müavini Şaban Şayev görüşdə minaların təmizlənməsi və Milli Cəmiyyətin Qarabağa köçürülməsi planlaşdırılan, eləcə də, köçmüş  əhalinin minalar barəsində maarifləndirilməsi haqqında qarşılıqlı görüş keçirilib. Bununla bağlı gələcək imkanların araşdırılması, layihələrin müzakirə edilməsi qərara alınıb.