Ölkə Əlaqələndirmə Komissiyasının işçi qrupunun növbəti iclası keçirilib

Azərbaycan Qızıl Aypara Cəmiyyəti (AzQAC)  Azərbaycan Səhiyyə Nazirliyi (ASN) ilə imzalanmış tərəfdaşlıq memorandumuna əsasən uzun illərdir nazirliyin nəzdində fəaliyyət göstərən Ölkə Əlaqələndirmə Komissiyasının (ÖƏK) işçi qrupunun görüşlərində fəal iştirak edir. ÖƏK ölkədə tibb yönümlü layihələr həyata keçirən qeyri hökumət təşkilatları, ictimai birliklər və  qurumlar arasında əməkdaşlığın inkişafına və layihələrin həyata keçirilməsində qarşıya çıxan problemlərin həllində  hərtərəfli dəstək göstərir.

Görüşlərdə AzQAC tərəfindən Cəmiyyətin İcma əsaslı layihələr üzrə mütəxəssisləri Mətanət Qaraxanova və Sona Hacıyeva mütəmadi iştirak edirlər.

12 sentyabrda işçi qrupun növbəti görüşündə də AzQAC  nümayəndəsi Sona Hacıyeva qismində təmsil olundu. Görüşdə  Səhiyyə nazirinin müavini cənab Nadir Zeynalov çıxış edərək əsas donor ölkə olan Amerikanın ayrılan maliyyəni azaltması nəticəsində Qlobal Fondun təsdiq olunmuş büdcəsini yerinə yetirə bilməməsi və kəsirlə olan büdcənin yenidən müzakirəsi və təsdiqi üçün imzalanmaya hazırlanmasının vacibliyini diqqətə çatdırıb. Büdcədəki azalmaların ən çox qeyri hökumət təşkilatlara və ictimai birliklərə ayrılan maliyyəyə hədəfləndiyini bilən qurum rəhbərləri buna narahatlıqlarını bildiriblər.

SN, QİÇS, ETAXİ, ƏN Baş Tibb İdarəsi, QF maliyə və təchizat şöbələrinin nümayəndələri, bəzi QHT rəhbərlərinin iştirakı ilə xeyli müzakirədən sonra kəsirlə olan büdcə kiçik əlavələrlə 30 sentyabrda yekun imzalanma üçün hazırlanıb.

16 sentyabrda Ölkə Əlaqələndirmə Komissiyasının növbəti görüşü keçirilib. Görüşün mövzusu “Azərbaycanda əsas ÇDD/GDD vərəm xidmətlərinə çıxış imkanları və onların keyfiyyətinin təmin olunması” layihəsi əsasında Vərəmlə bağlı vəziyyət : uğurlar və çağırışlar müzakirə olunub.

Əsas vurğulanan məqamlar ftiziatrların (bu sahədə çalışan həkimdir, yəni vərəm xəstəliyini aşkarlayan, müalicə edən və qarşısını almağa çalışan mütəxəssis) kontakt şəxslərlə iş məsələsində ciddiyyəti artırmaları, xəstə ünvanlarının yenilənməsi ilə bağlı çətinliklər, qeydiyyat jurnallarının tam doldurulmaması, müalicə nəticələrinin tam yazılmaması  və ilkin xəstələrin məlumatlarının elektron data bazaya düzgün yazılmaması və bir çox digər məsələlər yeni yaranmış Vərəm Mərkəzi rəhbərliyinin iştirakı ilə geniş müzakirə edilib.