Bolqarıstanın Sofiya şəhərində BQXQACF və Bolqarıstan Qızıl Xaçı tərəfindən “Qızıl Xaç və Qızıl Aypara Avropa və Mərkəzi Asiya Gənclər Şəbəkəsinin XXVI Gənclər Assambleyası’’ və Gənclər üçün Humanitar Diplomatiya üzrə bir günlük təlim keçirilib

Əsas səhifə / XƏBƏRLƏR / Bolqarıstanın Sofiya şəhərində BQXQACF və Bolqarıstan Qızıl Xaçı tərəfindən “Qızıl Xaç və Qızıl Aypara Avropa və Mərkəzi Asiya Gənclər Şəbəkəsinin XXVI Gənclər Assambleyası’’ və Gənclər üçün Humanitar Diplomatiya üzrə bir günlük təlim keçirilib
The International Federation of Red Cross and Red Crescent Societies (IFRC) and the Bulgarian Red Cross held the 26th Youth Assembly of the Red Cross and Red Crescent Youth Network of Europe and Central Asia, as well as a one-day training session on humanitarian diplomacy for young people in Sofia, Bulgaria

Bolqarıstanın Sofiya şəhərində BQXQACF və Bolqarıstan Qızıl Xaçı tərəfindən “Qızıl Xaç və Qızıl Aypara Avropa və Mərkəzi Asiya Gənclər Şəbəkəsinin XXVI Gənclər Assambleyası’’ keçirilib. Azərbaycan Qızıl Aypara Cəmiyyəti tərəfindən İnformasiya və İctimaiyyətlə Əlaqələr şöbəsinin rəhbəri Cavidan Muradov və Beynəlxalq əlaqələr şöbəsinin müdiri Leyla Səlimova tədbirdə iştirak ediblər.


Tədbir iki hissədən ibarət olub: Humanitar Diplomatiya Təlimi və Qızıl Xaç və Qızıl Aypara Avropa və Mərkəzi Asiya Gənclər Şəbəkəsinin XXVI Gənclər Assambleyası.
Humanitar Diplomatiya Təlimi dəvət olunmuş qonaqların təqdimatı ilə başlanıb. İştirakçıların real baş verən hadisələrə uyğunlaşmaq məqsədi ilə, miqrant böhranı ssenarisnın həlli üçün onlar işçi qruplarına ayırılıblar ki, buda masa arxası danışıqlar simulyasiyasında iştirak etməyə imkan vermişdir.


Assambleyanın açılışı Bolqarıstanın ‘’Нов български университет’’ universitetində keçirilib, ‘’Avropa və Mərkəzi Asiya Gənclər Şəbəkəsinin’’ tarixi, fəaliyyəti, məqsəd və strukturu barədə məlumat verilib. Tədbirdə BQXK-nın prezidenti Keyt Forbs video görüntü vasitəsilə iştirakçıları salamlayıb və öz tövsiyyələrini verib. Bolqarıstanın Vitse-Prezidenti İliana Yotova, Bolqarıstan Qızıl Xaç Cəmiyyətinin sədri Xristo Qriqoro, BQXK-nin vitse-prezidenti Manuel Besslerdir və digər qonaqlar çıxış ediblər. Daha sonra, Şəbəkə Komitəsinin üzvləri keçən il ərzində görülən işlər və əldə olunan nailiyyətlər barədə iştirakçılara məlumat veriblər. Tədbir BQXK-nın vitse-prezidenti Natia Loladze çıxışı ilə yekunlaşıb.


Assambleyanın növbəti günü Şəbəkənin Hərtərəfli Texniki Tapşırıqlar və Prosedur Qaydalarının nəzərdən keçirilməsi sessiyaları ilə başlayıb. Daha sonra təqdim olunan sənədlərdə dəyişikliklərə dair və yeni sədrin seçilməsi ilə bağlı səsvermə keçirilib. Səsvermənin nəticələrinə görə Komitənin yeni sədri Bolqarıstan Qızıl Xaçının Gənclər Bölməsinin sədri Steli Dzhambazova seçilmişdir.
 
Tədbirin ən yadda qalan məqamlarından təşkil edilən sərgi idi. Burada iştirakçılar öz ölkələrini və Cəmiyyətlərini təsvir edən əşyaları, atributları nümayiş etdirib, paylaşmışlar.
AzQAC nümayəndələri Cavidan Muradov və Leyla Səlimova AzQAC-ın Qarabağ İqtisadi regionunda aparılan işlərlə bağlı iştirakçılara geniş məlumat vermişlər.
Tədbirin yekununda Komitənin üzvləri iştirakçılara öz minnətdarlığını bildirmiş, və belə görüşlərin davamlı olmasını arzulamışlar.