Qanvermə aksiyası keçirilib

2025-ci il oktyabrın 21-də  Qobustan Rayon Mərkəzi Xəstəxanasında qanvermə aksiyası təşkil olunub. Aksiyanın məqsədi talassemiyadan və digər qan xəstəliklərindən əziyyət çəkən insanlara dəstək göstərmək, eyni zamanda sağlam həyat tərzini təbliğ etməkdən ibarət olub.

Aksiya zamanı tibbi heyət tərəfindən donorların sağlamlıq vəziyyəti yoxlanılıb, onlara qanvermənin əhəmiyyəti barədə maarifləndirici məlumatlar verilib.
Qanvermə aksiyası humanist dəyərlərin, həmrəyliyin və cəmiyyətə faydalı olmağın bariz nümunəsi kimi dəyərləndirilib.

Tədbirdə rayon ictimaiyyəti ilə yanaşı, Qobustan Rayon İcra Hakimiyyətinin, hüquq-mühafizə orqanlarının və müxtəlif idarə və təşkilatların əməkdaşları, Azərbaycan Qızıl Aypara Cəmiyyətinin Qobustan rayon  Bölməsinin sədri Nemət Alcanov və  könüllülər  fəal şəkildə iştirak ediblər.