2025-ci
il oktyabrın 31-i Azərbaycan Qızıl Aypara Cəmiyyətinin Baş ofisində Türk
Dövlətləri Qızıl Aypara Cəmiyyətlərinin noyabrın 19-da keçiriləcək Sammitinə
hazırlıqla bağlı iclas keçirilib. İclasda tədbirin təşkili, nümayəndə heyətlərinin qəbulu, gündəlikdə yer alacaq
mövzular və əməkdaşlıq istiqamətləri müzakirə olunub. İclasda Cəmiyyətin rəhbər heyəti, məsul şəxslər və əlaqədar şöbə əməkdaşları
iştirak ediblər. Görüş zamanı sammitin yüksək səviyyədə keçirilməsi üçün zəruri
təşkilati və digər məsələlərinin icrası ilə bağlı konkret tapşırıqlar
verilib. Azərbaycan Qızıl Aypara Cəmiyyəti Türk dünyasında humanitar əməkdaşlığın
genişləndirilməsi və qarşılıqlı təcrübə mübadiləsinin gücləndirilməsinə xüsusi
önəm verir.
