2025-ci il noyabrın 24-də əməkdar jurnalist , “Yeni Təfəkkür” qəzetinin baş redaktoru Şəmsiyyə Kərimovanın Azərbaycan Mətbuat
Şurasının akt zalında 70 illik yubileyi qeyd olunub. Bu münasibətlə keçirilən
görüşdə Azərbaycan Qızıl Aypara Cəmiyyətinin rəhbər heyəti iştirak edib. Rəhbər
heyəti ona gələcək fəaliyyətində uğurlar və yeni nailiyyətlər
arzulayıblar.
Cəmiyyət adından çıxış edən Azərbaycan Qızıl Aypara Cəmiyyətinin
vitse-prezidenti, əməkdar jurnalist Qafar Əsgərzadə Cəmiyyətin rəhbərliyi və
işçi heyəti adından yubilyarı təbrik edib. Tədbirdə AzQAC-ın vitse prezidentləri
Rövşən Əliyəv və Əziz Qocayev, Prezident ofisinin rəhbəri Seymur Hümbətov,
İcraçı katibin müavinləri Şaban Şayev və Elşən Səlimzadə, İnformasiya və İctimaiyyətlə Əlaqələr şöbəsinin müdiri iştirak ediblər.
Sonda Şəmsiyyə Kərimova göstərilən belə doğma münasibətə görə Azərbaycan
Qızıl Aypara Cəmiyyətinin prezidenti Novruz Aslanova və AzQAC-ın kollektivinə
öz dərin minnətdarlığını bildirib.
