Vərəm üzrə İşçi qrupunun görüşü

2025-ci il dekabr ayının 2-də Azəbaycan Qızıl Aypara Cəmiyyətinin Sağlamlıq şöbəsinin müdiri/İcraçı Katibin müavini Səbinə Məhbubi-İran, Miqrasiya şöbəsinin mütəxəssisi Sona Hacıyeva, “İcmaya əsaslanan sağlamlıq proqramının mütəxəssisi Mətanət Qaraxanovadan ibarət AzQAC-ın nümayəndə heyəti CCM-in (Ölkə Əlaqələndirmə Komissiyası) təşkilatçılığı ilə Vərəm üzrə İşçi qrupunun görüşündə iştirak etmişdir. Görüşün əsas məqsədi vərəmlə bağlı 9 ay müddətində aparılan işlərlə tanışlıq, aktual olan məsələlərin və yeniliklərin müzakirəsi olubdur.

Elmi-Tədqiqat Ağciyər xəstəlikləri İnstitutunun direktoru İradə Axundova ətraflı olaraq iştirakçılara bu sahədə aparılan işlər haqqında hesabat təqdim etdi. Tədbirdə iştirak edən vərəm sahəsinin mütəxəssisləri lazımı əlavələr edərək digər iştirakçıların suallarına ətraflı cavab verdilər. Müzakirələr əsnasında Ağçiyər Xəstəliklər Mərkəzi (AXM), Ümumdünya Səhiyyə Təşkilatı, Ədliyyə Nazirliyinın nümayəndələri də öz növbələrində çıxışlarında vərəm sahəsində baş verən yeniliklər, prosedur qaydalara riayət olunma, müalicə prosesində yanaşmalar və eyni zamanda göstərilən xidmət əsnasında mərkəzləşdirmədən qeyri-mərkəzləşmə üsuluna keçmə qaydasına ətraflı toxundular və açıqlamalar təqdim etdilər.

AzQAC-ın “İcmaya əsaslanan sağlamlıq proqramının mütəxəssisi Mətanət Qaraxanova Yunanstanın Afina şəhərində keçirilən Avropa Qızıl Xaç və Qızıl  Aypara Şəbəkəsinin (ERNA) “HİV/QİÇŞ , hepatit, vərəm və narkotik asılılığı’’ sahəsində Yunan Qızıl  Xaçı, Yunanıstan Səhiyyə Nazirliyi və Afina Bələdiyyəsi tərəfindən XXII Ümumi Yığıncaqda iştirakı haqqında təqdimat etdi. Təqdimatda AzQAC-nin nümayəndə heyətinin Cəmiyyətlə yanaşı, eyni zamanda CCM-ın üzvlüyünün təmsilçi olması da vurğulandı. Keçirilən tədbir miqyaslı şəkildə olmaqla yanaşı, maraqlı təcrübələrin təqdimatını ehtiva edirdi. Eyni zamanda ERNA-nın Katibliyində Azərbaycanda qeyd olunan mövzularla aparılan fəaliyyətlər qeyd olundu, onlar tərəfindən hansı fəaliyyətlərdə iştirak etmələri, mümkünlüyü vurğulandı.

Sonda AzQAC nümayəndə heyəti tərəfindən tədbirdə iştirak etmələrindən məmnunluq ifadə olundu və vərəm, və digər mövzulara dəstək verməyə, təcrübə ilə bölüşməyə, mütəxəssisləri cəlb etməyə, mövcud və yaranmış şəbəkələrdən  (ERNA, QXQA Hərəkatı, Türk Qırmızı Şəbəkəsi) bəhrələnmək üçün imkan yaratmağa və AzQAC ölkə daxilində hərtərəfli təmsil olunmasından müvafiq olaraq istifadə edilməsi təklif edildi.